Category Archives: BBDN (Bohol Balita Daily News)

Bohol Balita Daily News

Pagdumala sa Crisis situation Gisugdan na’g plano sa Bohol


Tagbilaran City, Bohol, May 18, (PIA)-SA pagpangandam sa bisan unsang matang sa crisis situation nga moabot sa Bohol, gisugdan na ang unang Table Top Excercise on Crisis Incident Management tali sa mga tinugyanan sa kagamhanan nga nasangunan sa maong buluhaton.
Matud ni PSSupt Constantino Barot, nagkatagbo ang mga tinugyanan sa Armadong Kusog sa Nasud nga nia dinhi sa Bohol ug ang Philippine National Police niadtong Mayo 11, 2011 didto sa Campo Dagohoy.
Butyag ni Barot nga ang mga sakop sa 802nd Brigade og sa 2nd Special Forces Battalion nakig-uban sa ilang mga counterparts sa kapolisan aron hisgutan ang mga prayoridad nga lugar sa Bohol ug ang pagtuki sa mga nagkadaiyang scenario sa krisis.
Milutaw ang panginahanglan sa pagtukod ug usa ka crisis management team dihang nahitabo ang hostage crisis sa Quirino Grandstand nga gikamatay sa daghanang mga turistang Intsik.
Ang Bohol dugay na usab nga giilang delikadong lugar sa atake sa mga terorista dala sa daghang turista nga maangin ug makapatawag sa International nga tensyon.
Sa table-top discussions, nalakip na usab ang mga ang-ang sa pagresponde sa bisan unsang matang sa krisis, kinsay moresponde ug nagtuki usab sa mga komposisyon sa mga pwersa nga moresponde gikan sa mga political nga lider ngadto na sa solusyon nga military.
Laing mga masunod pa nga pagbansay ang mosunod diin himoon na ang mga mock scenario aron mapangandam ang mgatinugyanan, sulti ni Barot.(Rey Anthony Chiu Bohol Balita Daily News)

Follow

Get every new post delivered to your Inbox.